ഖ്നോ: രാമക്ഷേത്ര പ്രാണപ്രതിഷ്ഠ ചടങ്ങ് നടക്കാനിരിക്കെ തമിഴ്നാട്ടില്‍നിന്ന് അയോധ്യയിലേക്ക് വെടിമരുന്നുമായി പോയ ട്രക്ക് കത്തിനശിച്ചു
ഉത്തര്‍പ്രദേശിലെ ഉന്നാവ ജില്ലയിലെ പൂര്‍വ കോട്‌വാലിയിലെ ഖര്‍ഗി ഖേദ ഗ്രാമത്തിലാണ് ചൊവ്വാഴ്ച രാത്രി അപകടമുണ്ടായത്.
വെടിമരുന്നിന് തീപിടിച്ചതോടെ വലിയപൊട്ടിത്തെറി നടന്നു. ഏതാണ്ട് മൂന്ന് മണിക്കൂറിന് ശേഷമാണ് തീയണക്കാനായതെന്ന് ഉദ്യോഗസ്ഥര്‍ പറയുന്നു. ട്രക്കിന് തീപിടിച്ച്‌ പൊട്ടിത്തെറിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിപ്പിക്കുന്നുണ്ട്. എന്നാല്‍ തീപിടിത്തത്തിന്റെ കാരണമെന്താണെന്ന് വക്തമല്ല.
ജനുവരി 22 ന് അയോധ്യയില്‍ രാമക്ഷേത്ര പ്രതിഷ്ഠ നടക്കാനിരിക്കുകയാണ്. ആഘോഷങ്ങളുടെ ഭാഗമായി അവിടേക്ക് കൊണ്ടുപോയ വെടിമരുന്നാണ് കത്തിനശിച്ചതെന്നാണ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. സംഭവത്തില്‍ ആര്‍ക്കും പരിക്കേറ്റിട്ടില്ല.
STORY HIGHLIGHTS:A truck carrying ammunition to the Ayodhya Ram Temple Deity got burnt
Truck Carrying Fireworks To #Ayodhya Catches Fire
Read Here: https://t.co/PVqOjmbzWu pic.twitter.com/371Lfmi6hu
— NDTV (@ndtv) January 17, 2024
