സുരക്ഷയുടെ കാര്യത്തില്‍ വിട്ടുവീഴ്ചയ്ക്കില്ലെന്ന് ഹ്യൂണ്ടായ്;
ഇന്ത്യയില്‍ മിഡ്-സൈസ് എസ്‌യുവികള്‍ ജനപ്രിയമാകുന്നതില്‍ മുഖ്യപങ്ക് വഹിച്ച ക്രെറ്റക്ക് അന്നും ഇന്നും ആവശ്യക്കാര്‍ ഏറെയാണ്.
മാറുന്ന ട്രെൻഡുകള്‍ക്കും ഡിമാന്റുകള്‍ക്കും അനുസൃതമായി ഏതുതരത്തിലുള്ള ആളുകളേയും തൃപ്ത്തിപ്പെടുത്താനുള്ള ജനപ്രിയന്റെ കഴിവ് തന്നെയാണ് അതിനു പിന്നിലെ കാരണം. എന്നാല്‍ ഇപ്പോഴിതാ ഹ്യുണ്ടായി തങ്ങളുടെ ഏറ്റവും ജനപ്രിയ മോഡലായ ക്രെറ്റ ഫെയ്‌സ്‌ലിഫ്റ്റ് അവതരിപ്പിക്കുവാനുള്ള തയ്യാറെടുപ്പുകളിലാണ്. ജനുവരി 16 ന് വിപണിയില്‍ അരങ്ങേറ്റം കുറിക്കുന്ന പുത്തൻ വാഹനത്തിന്റെ ബുക്കിംഗും കമ്ബനി ഇതിനോടകം ആരംഭിച്ചു കഴിഞ്ഞു.
വാഹനപ്രേമികള്‍ക്ക് 25,000 രൂപ ടോക്കണ്‍ നല്‍കി പുത്തൻ ക്രെറ്റ ബുക്ക് ചെയ്യാം. ഉപഭോക്താക്കള്‍ ക്രെറ്റയുടെ പഴയ മോഡല്‍ ബുക്ക് ചെയ്‌തിട്ടുണ്ടെങ്കില്‍, അവര്‍ക്ക് അത് ഫെയ്‌സ്‌ലിഫ്റ്റ് മോഡലില്‍ നിന്ന് അപ്‌ഗ്രേഡുചെയ്യാനും കഴിയും. അതേസമയം, ഈ ഫെയ്‌സ്‌ലിഫ്റ്റ് മോഡല്‍ ഡീലര്‍ഷിപ്പുകളില്‍ എത്തിത്തുടങ്ങി എന്നാണ് റിപ്പോര്‍ട്ടുകള്‍. ഡീലര്‍ഷിപ്പില്‍ പാര്‍ക്ക് ചെയ്‍തിരിക്കുന്ന ക്രെറ്റ ഫെയ്‌സ്‌ലിഫ്റ്റിന്റെ ചിത്രങ്ങള്‍ ഇപ്പോള്‍ വൈറലാണ്.
ക്രെറ്റ ഫെയ്‌സ്‌ലിഫ്റ്റിന്റെ എക്സ്റ്റീരിയറും ഇന്റീരിയറും ഹ്യൂണ്ടായ് അവതരിപ്പിച്ചു. സോഷ്യല്‍ മീഡിയ പ്ലാറ്റ്‌ഫോമായ എക്‌സില്‍ കമ്ബനി ഒരു പോസ്റ്റ് ഇടുകയും പുതിയ ക്രെറ്റയുടെ ചില ഫോട്ടോകള്‍ പങ്കിടുകയും ചെയ്‍തു. പുതിയ രൂപകല്പനയോടെയാണ് കമ്ബനി ഇപ്പോള്‍ ഈ കാര്‍ അവതരിപ്പിക്കുക. ഇതിന്റെ വലിയ ക്യാബിനും പ്രീമിയം ഇന്റീരിയറും കാണാം. പുതിയ ക്രെറ്റയില്‍ കൂടുതല്‍ സാങ്കേതിക സവിശേഷതകള്‍ ലഭ്യമാകും. ഏഴ് വേരിയന്റുകളിലാണ് കമ്ബനി ഇത് അവതരിപ്പിക്കുക. ഇതില്‍ E, EX, S, S(O), SX, SX Tech, SX(O) എന്നിവ ഉള്‍പ്പെടുന്നു. ഇതിന് ആറ് മോണോടോണും ഒരുഡ്യുവല്‍ ടോണ്‍ കളര്‍ ഓപ്ഷനുകളും ഉണ്ടായിരിക്കും.
പുതിയ ക്രെറ്റ ഫെയ്‌സ്‌ലിഫ്റ്റിന്റെ മുൻഭാഗം മാറ്റി. പുതിയ ക്രെറ്റയില്‍ റേഡിയറ്റോ ഗ്രില്‍ ലഭ്യമാകും. എല്‍ഇഡി ഡിആര്‍എല്ലുകളും ക്വാഡ് ബീം എല്‍ഇഡി ഹെഡ്‌ലാമ്ബുകളുമുണ്ട്. ഈ കാറിന്റെ ഇന്റീരിയറില്‍ വിപുലമായ ഹൈടെക് ഫീച്ചറുകള്‍ ലഭ്യമാകും. 1.5 ലിറ്റര്‍ കപ്പ ടര്‍ബോ GDi പെട്രോള്‍, 1.5 ലിറ്റര്‍ MPi പെട്രോള്‍, 1.5 ലിറ്റര്‍ ഡീസല്‍ എഞ്ചിൻ ഓപ്ഷനുകള്‍ ഇതിലുണ്ടാകും. പുതിയ ക്രെറ്റയ്ക്ക് 6 സ്പീഡ് മാനുവല്‍ ട്രാൻസ്മിഷൻ ലഭിക്കും. സുരക്ഷയുടെ കാര്യത്തില്‍, ക്രെറ്റയ്ക്ക് നിരവധി പുതിയ സവിശേഷതകളും ലഭിക്കും. വിപണിയില്‍ കിയ സെല്‍റ്റോസ്, മാരുതി ഗ്രാൻഡ് വിറ്റാര, ടൊയോട്ട ഹൈറൈഡര്‍, ഫോക്‌സ്‌വാഗണ്‍ ടൈഗണ്‍, സ്‌കോഡ കുഷാക്ക് എന്നിവയോട് മത്സരിക്കും.
കമ്ബനിക്ക് 90,000 യൂണിറ്റുകളുടെ ഓര്‍ഡര്‍ തീര്‍പ്പാക്കനുണ്ടെന്നാണ് റിപ്പോര്‍ട്ടുകള്‍. ഇതില്‍ 25 ശതമാനത്തിലധികം ക്രെറ്റ ഓര്‍ഡറുകളാണ്. അതായത്, ഏകദേശം 23,000 യൂണിറ്റ് ക്രെറ്റയുടെ ഓര്‍ഡറുകള്‍ തീര്‍പ്പാക്കാനില്ല. ഇതുകാരണം ക്രെറ്റയുടെ പഴയ മോഡലുകളും ഫെയ്‌സ്‌ലിഫ്റ്റ് മോഡലുകളും കമ്ബനി ഒരേസമയം വിതരണം ചെയ്യും. അതിനാല്‍ ലോഞ്ച് കഴിഞ്ഞ് ഡെലിവറിക്കായി ഉപഭോക്താക്കള്‍ അല്‍പ്പം കാത്തിരിക്കേണ്ടിവരും. ജനുവരി അവസാനത്തോടെ കമ്ബനി ഡെലിവറി ആരംഭിക്കും. ഫെയ്‌സ്‌ലിഫ്റ്റ് മോഡലിന്റെ വില 10.87 ലക്ഷം മുതല്‍ 19.20 ലക്ഷം രൂപ വരെയായിരിക്കുമെന്നാണ് റിപ്പോര്‍ട്ടുകള്‍.
STORY HIGHLIGHTS:Hyundai will not compromise on safety
