സയാമീസ് ഇരട്ടകളെ വേർപ്പെടുത്തുന്നതിനുള്ള ആദ്യത്തെ ശസ്ത്രക്രിയ വിജയകരമായി നടപ്പാക്കി ഒമാൻ

ഒമാൻ:സയാമീസ് ഇരട്ടകളെ വേർപ്പെടുത്തുന്നതിനുള്ള ആദ്യത്തെ ശസ്ത്രക്രിയ വിജയകരമായി നടപ്പാക്കി ഒമാൻ ആരോഗ്യമേഖലയില്‍ പുതുചരിതം രചിച്ചു.

കുടല്‍, മൂത്രവ്യവസ്ഥ, രക്തക്കുഴലുകള്‍ എന്നിവയുമായി ബന്ധമുള്ള പെല്‍വിക് മേഖല പങ്കിടുന്ന ഇരട്ടകളെ 19 മണിക്കൂർ നീണ്ടുനിന്ന ശസ്ത്രക്രിയയിലൂടെയാണ് വേർപ്പെടുത്തിയത്. ഇരട്ടകള്‍ ശസ്ത്രക്രിയയ്ക്ക് ശേഷം തീവ്രമായ വൈദ്യചികിത്സയിലാണ്. അവരുടെ ആരോഗ്യനിലയില്‍ തുടർച്ചയായ പുരോഗതി കൈവരിച്ചിട്ടുണ്ടെന്ന് അധികൃതർ വ്യക്തമാക്കി. ആരോഗ്യമന്ത്രി ഡോ. ഹിലാല്‍ ബിൻ അലി അല്‍ സബ്തിയുടെ നേരിട്ടുള്ള മേല്‍നോട്ടത്തിലായിരുന്നു ശസ്ത്രക്രിയ നടത്തിയത്. റോയല്‍ ഹോസ്പിറ്റല്‍, ഖൗല ഹോസ്പിറ്റല്‍, മെഡിക്കല്‍ സിറ്റി ഹോസ്പിറ്റല്‍ ഫോർ മിലിട്ടറി ആൻഡ് സെക്യൂരിറ്റി സർവിസസ്, നിസ്‍വ ഹോസ്പിറ്റല്‍ എന്നിവിടങ്ങളില്‍ നിന്നുള്ള സർജന്മാരുടെയും മെഡിക്കല്‍ ഗ്രൂപ്പുകളുടെയും ഒരു എലൈറ്റ് ഗ്രൂപ്പ് മെഡിക്കല്‍ സംഘവും ശസ്ത്ക്രിയ ടീമില്‍ ഉള്‍പ്പെട്ടിരുന്നു.

സമഗ്രമായ വിലയിരുത്തലിലും തയ്യാറെടുപ്പിലും തുടങ്ങി നിരവധി ഘട്ടങ്ങളിലൂടെയാണ് ശസ്ത്ക്രിയ പൂർത്തിയാക്കിയത്.വേർപിരിയല്‍, ടിഷ്യു പുനർനിർമ്മാണം, ഇരട്ടകളുടെ വീണ്ടെടുക്കലും ആരോഗ്യ സ്ഥിരതയും ഉറപ്പാക്കുന്നതിനുള്ള ശസ്ത്രക്രിയാനന്തര ഘട്ടവും വൈദ്യ പരിചരണവും ഇതിന്റെ ഭാഗമായി ഉണ്ടായിരുന്നുവെന്ന് അധികൃതർ അറിയിച്ചു. സംയോജിത ഇരട്ടകള്‍ വളരെ അപൂർവമായ കേസുകളാണെന്ന് റോയല്‍ ഹോസ്പിറ്റലിലെ സീനിയർ കണ്‍സള്‍ട്ടന്റ് പീഡിയാട്രിക് സർജനും സയാമീസ് ട്വിൻ സെപ്പറേഷൻ ഓപ്പറേഷനായുള്ള മെഡിക്കല്‍ ടീമിന്റെ തലവനുമായ ഡോ. മുഹമ്മദ് ജാഫർ അല്‍ സജ്‌വാനി പറഞ്ഞു. നിർഭാഗ്യവശാല്‍ ജന്മനാ ഉണ്ടാകുന്ന വൈകല്യങ്ങള്‍ കാരണം ജനനത്തിനു മുമ്ബോ, ജനനത്തിനിടയിലോ, ജനനത്തിനു ശേഷമോ പല കുട്ടികളും അതിജീവിക്കാറില്ല എന്നും അദേഹം പറഞ്ഞു. സയാമീസ് ഇരട്ടകളുടെ നിരവധി കേസുകളുണ്ട്. എന്നാല്‍ പെല്‍വിക് മേഖലയിലെ സംയോജിത ഇരട്ടകള്‍ വളരെഅപൂർവമാണ്, പ്രത്യേകിച്ച്‌ പെണ്‍കുട്ടികളില്‍. ഇത് സങ്കീർണത വർധിപ്പിക്കുന്നതാണെന്നും അദേഹം പറഞ്ഞു.

ഈ കേസില്‍ ഗർഭകാലത്തുന്നെ ഫോളോ അപ്പ് ചെയ്തു തുടങ്ങിയിരുന്നു. പ്രസവചികിത്സകരുമായി ബന്ധപ്പെടുകയും ഒമാനില്‍ ശസ്ത്രക്രിയ നടത്താനും അവർക്ക് ചികിത്സ നല്‍കാനും ഞങ്ങള്‍ തീരുമാനിച്ചു. നേത്തെയുള്ള പ്രസത്തെ തുടർന്ന് ഇരട്ടളെ തീവ്രപരിചരണ വിഭാഗത്തിലേക്ക് മാറ്റി. 11 മാസത്തെ തയ്യാറെടുപ്പുകള്‍, മീറ്റിങുകള്‍, എക്സ്-റേകള്‍ എന്നിവയിലൂടെയും മറ്റും കാരണങ്ങള്‍ മനസിലാക്കാനും വെല്ലുവിളികള്‍ മറികടക്കാനും ഞങ്ങള്‍ക്ക് കഴിഞ്ഞുവെന്ന് അദ്ദേഹം ചൂണ്ടിക്കാട്ടി.

പെല്‍വിസില്‍ ഒട്ടിച്ചേർന്ന ഇരട്ടകളുടെ കാര്യത്തില്‍, മൂത്രനാളത്തിലും മൂത്രനാളിയിലും ഒട്ടിപ്പിടിക്കലുകള്‍ ഉണ്ടായിരുന്നവെന്നും ശസ്ത്രക്രിയയ്ക്കിടെ ഞങ്ങള്‍ നേരിട്ട ഏറ്റവും പ്രധാനപ്പെട്ട വെല്ലുവിളികളില്‍ ഒന്നാണിതെന്നും കണ്‍സള്‍ട്ടന്റ് പീഡിയാട്രിക് യൂറോളജിസ്റ്റായ ഡോ. നവാല്‍ ബിൻത് അബ്ദുല്ല അല്‍ ഷാർജി പറഞ്ഞു. റേഡിയോളജിസ്റ്റുകളുടെ വിശിഷ്ട സംഘത്തിന്റെ സാന്നിധ്യം ഇത് കണ്ടെത്തുന്നതില്‍ സഹായിച്ചുവെന്നും 11 മാസം മുമ്ബ് തന്നെ അവ കൈകാര്യം ചെയ്യാനും അവക്കായി ആസൂത്രണം ചെയ്യാനും ഞങ്ങള്‍ക്ക് കഴിഞ്ഞുവെന്നും അവർ പറഞ്ഞു.

STORY HIGHLIGHTS:Oman successfully performs first surgery to separate conjoined twins