പുതിയ ഫീച്ചർ അവതരിപ്പിച്ച്‌ വാട്ട്സ്‌ആപ്പ്.

ആപ്പിനുള്ളില്‍ തന്നെ ഡോക്യുമെന്‍റുകള്‍ നേരിട്ട് സ്കാൻ ചെയ്യാൻ ഉപയോക്താക്കളെ അനുവദിക്കുന്ന പുതിയ ഫീച്ചർ അവതരിപ്പിച്ച്‌ വാട്ട്സ്‌ആപ്പ്.

ഈ സംവിധാനത്തിലൂടെ ഡോക്യുമെന്‍റ് ഷെയറിംഗ് ലളിതമാക്കുന്നതില്‍ ഒരു ചുവട് മുന്നോട്ട് വയ്ക്കുകയാണ് വാട്ട്സ്‌ആപ്പ്. ഐഒഎസ് അപ്ഡേറ്റിനുള്ള ഏറ്റവും പുതിയ വാട്സ്‌ആപ്പ് പതിപ്പായ 24.25.80 ഉള്ള ചില ഉപയോക്താക്കള്‍ക്കാണ് ഈ സേവനം നിലവില്‍ ലഭ്യമായിട്ടുള്ളത്.

ഈ ഫീച്ചറിലൂടെ വാട്ട്സ്‌ആപ്പ് ഉപയോക്താക്കള്‍ക്ക് ബാഹ്യ സ്കാനിംഗ് ടൂളുകളോ തേർഡ് പാർട്ടി ആപ്പുകളോ ആവശ്യമില്ലാതെ തന്നെ അവരുടെ ഡിവൈസിന്‍റെ കാമറ ഉപയോഗിച്ച്‌ ഒരു ഡോക്യുമെന്‍റ് വേഗത്തില്‍ സ്കാൻ ചെയ്യാൻ കഴിയും. വരും ആഴ്ചകളില്‍ കൂടുതല്‍ ഉപയോക്താക്കള്‍ക്ക് ഫീച്ചർ ലഭിക്കുമെന്നാണ് പ്രതീക്ഷിക്കുന്നത്.

STORY HIGHLIGHTS:WhatsApp introduces new feature.