കൊച്ചി:വിമാന ടിക്കറ്റിനൊപ്പം ടൂർ പാക്കേജും ഇനി കുറഞ്ഞ നിരക്കില്‍ ബുക്ക് ചെയ്യാൻ അവസരം ഒരുങ്ങുന്നു. ദുബായ്, കാശ്മീർ തുടങ്ങിയ വിനോദ സഞ്ചാര കേന്ദ്രങ്ങളിലേക്ക് കുടുംബ സമേതമോ ഒറ്റയ്ക്കോ കൂട്ടൂകാർക്കൊപ്പമോ അവധിക്കാല യാത്ര നടത്തുന്നവർക്ക് ഈ അവസരം വിനിയോഗിക്കാം.
എയർ ഇന്ത്യ വെബ്സൈറ്റ് വഴിയാണ് പാക്കേജുകള്‍ ബുക്ക് ചെയ്യാൻ അവസരം ഒരുങ്ങുന്നണ്ട്. എക്സ്പ്രസ് ഹോളിഡേസ് എന്ന പേരില്‍ മേക്ക് മൈ ട്രിപ്പുമായി ചേർന്നാണ് ഈ പുതിയ പദ്ധതി.
ദുബായ്, കാശ്മമീർ, രാജസ്ഥാൻ, ഗോവ, അമർനാഥ്, മറ്റ് വടക്ക് കിഴക്കൻ സംസ്ഥാനങ്ങള്‍ തുടങ്ങിയ സ്ഥലങ്ങളിലേക്ക് യാത്ര ചെയ്യുന്നവർക്ക് airindiaexpress.com എന്ന എയർ ഇന്ത്യ എക്സ്പ്രസ് വൈബ്സൈറ്റിലൂടെ പാക്കേജുകള്‍ ബുക്ക് ചെയ്യാം.
15,876 രൂപ മുതല്‍ ഗോവ പാക്കേജും 44,357 രൂപ മുതല്‍ ദുബായ് പാക്കേജും ലഭ്യമാണ്. കശ്മീരിലേക്ക് 39,258 രൂപ മുതലും അമർനാഥിലേക്ക് 33,000 രൂപ മുതലും പാക്കേജുകള്‍ ലഭ്യമാണ്.
എന്തൊക്കെ സേവനങ്ങള്‍ ലഭിക്കും?
ഇരുവശത്തേക്കുമുള്ള വിമാന ടിക്കറ്റ്, മൂന്ന് രാത്രിയും നാല് പകലും ഫോർ സ്റ്റാർ ഹോട്ടലിലെ താമസം, എയർപോർട്ടില്‍ നിന്നും ഹോട്ടലിലേക്കും തിരികെ എയർപ്പോർട്ടിലേക്കും ടാക്സി സേവനം, ഭക്ഷണം, തുടങ്ങിയവ അടക്കമുള്ളതാണ് പാക്കേജ്.
ഇരുവശത്തേക്കുമുള്ള വിമാന ടിക്കറ്റ്, വിസ, സൈറ്റ് സീയിംഗ്, താമസ സൗകര്യം അടക്കം അടക്കം നാല് രാത്രിയും അഞ്ച് പകലും നീണ്ടു നില്‍ക്കുന്നതാണ് ദുബായ് പാക്കേജ്.
യാത്രയുമായി ബന്ധപ്പെട്ട മുഴുവന്‍ കാര്യങ്ങളും ഒരു കുടക്കീഴില്‍ കൊണ്ടുവരുന്ന സേവനം എയർ ഇന്ത്യ എക്സ്പ്രസിന്‍റെ വെബ്സൈറ്റിലൂടെയും മൊബൈല്‍ അപ്പിലൂടെയും ലഭ്യമാക്കുന്നതില്‍ സന്തോഷമുണ്ടെന്ന് എയര്‍ ഇന്ത്യ എക്സ്പ്രസ് ചീഫ് കൊമേഴ്സ്യല്‍ ഓഫീസര്‍ അങ്കുര്‍ ഗാര്‍ഗ് പറഞ്ഞു.
മേക്ക് മൈ ട്രിപ്പുമായി ചേര്‍ന്ന് എക്സ്പ്രസ് ഹോളിഡേസിന് തുടക്കമിട്ടതോടെ രാജ്യത്തുടനീളം യാത്ര ചെയ്യുന്നതിനൊപ്പം മികച്ച ഓഫറില്‍ താമസിക്കാനുമുള്ള അവസരവും സഞ്ചാരികള്‍ക്ക് ലഭിക്കും.
കുറഞ്ഞ ചെലവിലെ ടൂർ പാക്കേജ് ദുബായ്, കാശ്മീർ തുടങ്ങിയ ഡെസ്റ്റിനേഷനുകള്‍ സ്വപ്നം കാണുന്നവർക്ക് ഏറെ സഹായകരമാണ്. വടക്കു കിഴക്കൻ സംസ്ഥാനങ്ങളിലേക്കും രാജസ്ഥാനിലേക്കും ടൂർ പാക്കേജ് ലഭ്യമാണ്.
ഗോവ ട്രിപ്പാണ് ഏറ്റവും കുറഞ്ഞത്. ഒരാള്‍ക്ക് 15,876 രൂപയാണ് നിരക്ക്.
STORY HIGHLIGHTS:Air India Express is now offering an opportunity to book flight tickets and tour packages at low rates.
